Məşhur aktyor Jan Klod Van Dam şəxsi "Facebook" səhifəsində Azərbaycanın Qəbələ rayonunun Vəndam kəndində qoyulan abidəsinin fotosunu paylaşıb.
Lent.az xəbər verir ki, aktyor paylaşımına bu sözləri yazıb:
"Azərbaycanın dağətəyi Vəndam adlı kəndində JVCD (Jean-Claude Van Damme) heykəli. Heykəltaraş Azad Əliyev tərəfindən. Təşəkkür edirəm".
Xatırladaq ki, bir müddət əvvəl bu heykəlin fotosu yerli mediada, eləcə də sosial şəbəkədə maraqla qarşılanmışdı.
