Viktoriya gölündə Uqandaya məxsus qayığın qəzaya uğraması nəticəsində həlak olanların sayı 35 nəfərə çatıb, çox sayda insan isə itkin düşüb.
AZƏRTAC Sinxua informasiya agentliyinə istinadla xəbər verir ki, hazırda qəzanın baş verdiyi rayonda axtarış-xilasetmə əməliyyatı davam edir.
Qeyd edək ki, noyabrın 24-də Viktoriya gölündə qayıq qəzaya uğrayıb. Faciəyə qayığın həddən artıq yüklənməsi səbəb olub. Belə ki, hadisə zamanı 50 nəfərlik qayığa 120 sərnişin mindirilib.
