Türkiyədə dövlət çevrilişi cəhdi ilə bağlı 58 nəfər ölkədən qaçmağa çalışarkən saxlanılıb.
"Report" DHA-ya istinadən xəbər verir ki, məhkəmə iyulun 17-də həmin şəxslərin yaxalanması barədə qərar vermişdi.
Məlumata görə, onlar İstanbul şəhərinin Atatürk Hava Limanında xarici ölkələrə qaçmağa səy göstəriblər. Ancaq Türkiyə polisi buna imkan verməyib.
Qeyd edək ki, iyulun 15-dən 16-na keçən gecə Türkiyədə dövlət çevrilişinə cəhd zamanı 246 nəfər ölüb, 2000-dən insan yaralanıb.
