ABŞ-ın yeni seçilmiş prezidenti Donald Tramp Ukraynadakı müharibənin dayandırılması üçün təcili atəşkəsə və danışıqlara çağırış edib.
Musavat.com xəbər verir ki, Trampın sözlərinə görə, Ukrayna tərəfi münaqişəni dayandırmaq üçün Rusiya ilə razılaşma əldə etmək niyyətindədir.
“Bu müharibə hər iki tərəf üçün böyük dağıntılara səbəb olub. Atəşkəsə nail olmaq və dərhal danışıqlara başlamaq hər kəsin xeyrinədir,” - deyə Tramp vurğulayıb.
O, beynəlxalq ictimaiyyəti də bu prosesi dəstəkləməyə və sülhün bərqərar olunması üçün səyləri gücləndirməyə çağırıb.
