Qazaxıstan prezidenti Kasım-Jomart Tokayev respublikanın ilk prezidenti Nursultan Nazarbayevin ömürlük Təhlükəsizlik Şurasının və ölkə Xalqları Assambleyasının sədri vəzifəsini tutmaq hüququndan məhrum edən düzəlişləri imzalayıb.
Hazırkı dövlət başçısı öz imzası ilə faktiki olaraq sələfinin istefasını təsdiqləyərək onu dövlət aparatına təsir etmək imkanından məhrum edbi. Qanun, xüsusilə daxili və xarici siyasət məsələlərinin, eləcə də kadr təyinatlarının Elbaşı ilə razıılaşdırılması ehtiyacını ləğv edir.
Eks-prezident bundan sonra yalnız parlament qarşısında çıxış edə, Konstitusiya Şurasının üzvü ola, fəxri senator vəzifəsini tuta, hökumətin iclaslarında iştirak edə biləcək.
Qeyd edək ki, 2022-ci ilin əvvəlində Qazaxıstanın müxtəlif şəhərlərində eyni vaxtda etiraz aksiyaları başladıqdan sonra yanvarın 18-də Nazarbayev ilk dəfə ictimaiyyət qarşısına çıxıb. O, varisini dəstəkləyib və təqaüdə çıxdığını elan edib.//Oxu.az
