Rusiyalı aktyor Yevgeni Volovenko Moskva-Xabarovsk reysində baş verən qalmaqallı davranışlarına görə 90 min rubl (təxminən 1488 manat) məbləğində cərimələnib.
Musavat.com xəbər verir ki, bu barədə Xabarovskın Jeleznodorojni rayon məhkəməsi məlumat yayıb.
Hadisə keçən ilin sentyabr ayında baş verib. Volovenko sərxoş vəziyyətdə olduğu zaman təyyarə salonunda sərnişinlərə qarşı aqressiv davranışlar sərgiləyərək, özünü digər sərnişinlərdən üstün göstərməyə çalışıb.
Aktyor uçuş zamanı dəfələrlə stüardessaları çağıraraq təyyarə heyətinə narahatlıq yaradıb. O, həmçinin sərnişinlərə qarşı aqressiv davranaraq, birinin üzünə vurmağa cəhd edib və salonda məqsədsiz gəzərək təcili çıxış qapısını açmağa çalışıb.
Heyət üzvlərinin onu sakitləşdirmə cəhdləri nəticəsiz qalıb. Təyyarə Xabarovsk hava limanına endikdən sonra Volovenko nəqliyyat polisi tərəfindən saxlanılıb və məsuliyyətə cəlb edilib.
Musavat.com
