Bu gün Azərbaycanın ilk xəbər saytlarından biri olan Yenicag.az saytının 15 yaşı tamam olur.
Xatırladaq ki, Yenicag.az saytı 2007-ci ilin 5 sentyabrında fəaliyyətə başlayıb. Bu illər ərzində Yenicag.az-ın türk dilində Yenicag.info və rus dilində Yenicag.ru versiyaları da fəaliyyətə başlayıb, Yenicag.tv adlı televiziyası açılıb. 2015-ci ildən Azərbaycan Mətbuat Şurasının üzvü olan "Yeni Çağ" Media Qrupu yerli və xarici media layihələrində yaxından iştirak edir, bir sıra xarici ölkələrin, o cümlədən Türkiyə, Ukrayna, Gürcüstan, Qazaxıstan, Rusiya, Moldova, Qırğızıstan, Pakistan, Şimali Kiprin qabaqcıl media qurumları ilə əməkdaşlıq edir.
"Yeni Müsavat"ın əməkdaşları 15 illik yubiley münasibəti ilə "Yeni Çağ" Media Qrupunun redaksiyasında olub, media qurumunun keçdiyi yola nəzər salıb, hazırkı fəaliyyəti ilə yaxından tanış olmağa çalışıb.
Əməkdaşlarımızın hazırladığı videoreportajı təqdim edirik.
Xalidə Gəray
Elçin Əkbərov
Musavat.com
