Şota Rustaveli adına Tbilisi Beynəlxalq aeroportunda sərnişinlərin təxliyyəsi ilə əlaqədar üç aviareys təxirə salınıb.
"Report"un Gürcüstan bürosu Tbilisi beynəlxalq aeroportunun informasiya mərkəzinə istinadən xəbər verir ki, bunlar Tbilisi-Astana, Tbilisi-Təl-Əviv və Tbilisi-Tehran reysləridir.
Bu reyslər üzrə uçuşlar yaxın vaxtlarda yerinə yetiriləcək. Qeyd edək ki, anonim zəng nəticəsində aeroportun fəaliyyətində fasilə yaranıb. Polis aeroportun hər iki terminalında axtarış aparıb. Partlayıcı qurğu tapılmayıb.
Sərnişinlərə aeroportun hər iki terminalına girib-çıxmalarına icazə verilib.
"112" çağrı mərkəzinə zəng vuraraq yalan məlumat vermiş şəxs axtarılır.
****
Gürcüstanın paytaxtı Tbilisi şəhərinin beynəlxalq hava limanı təxliyə edilib.
APA-nın yerli bürosunun məlumatına əsasən, buna səbəb hava limanında partlayıcı qurğunun olması ilə bağlı “112” nömrəsinə daxil olan zəngdir.
Daxili İşlər Nazirliyi hava limanına gedən avtomobil yollarını bağlayıb.
Məlumata görə, təxliyə ilə bağlı bir neçə reyslər təxirə salınıb.
Təxliyə olunmuş sərnişinlər hava limanına yaxın ərazidədir. Polis əməkdaşları hava limanında, uçuş zolaqları və terminallarda axtarış aparırlar.
