Azərbaycan Kikboksinq Federasiyasının üzvü, bir sıra beynəlxalq yarışların qalibi, dünya çempionu Xəyal Əhmədov Almaniyanın Bohum şəhərində keçirilmiş nüfuzlu beynəlxalq turnirdə üçrəngli bayrağımızı növbəti dəfə başı üzərinə qaldırıb.
AZƏRTAC xəbər verir ki, MMA - qarışıq döyüş növləri və K1 versiyaları üzrə keçirilən beynəlxalq turnirdə Azərbaycanı təmsil edən “Tank” ləqəbli kikboksçumuz almaniyalı idmançı Lukas Boçenski ilə qarşılaşıb.
X.Əhmədov inamlı qələbə qazanaraq Azərbaycanın idman uğurlarına daha birini əlavə edib.
