Məlumata görə, bu qərar birbaşa Naxçıvan “xanı” Vasif Talıbovdan gəlib. Köhnə avtomobili olan bir çox naxçıvanlı bu yolla Türkiyəyə gedib-gələrək ailələrini dolandırırdı. Bu qərardan sonra xeyli ailə çörəksiz qalıb. Əsasən Şərur və Sədərəkdən olan sürücülər deyib ki, onlar Türkiyəyə sərnişin aparıb-gətirir, evlərinə lazım olan bəzi ərzaq məhsullarını da ucuz qiymətə alır, mal mübadiləsi edir və bununla da ailələrini dolandırırmışlar. Sərhəddə işləyən, istehsal tarixi 1990-1991-ci il olan köhnə maşınların sayı isə 300-ə yaxındır.
Mənbənin dediyinə görə, bu qərar Naxçıvanda istehsal olunan “Lifan” markalı avtomobilləri ilə bağlıdır. Belə ki, Çin malı olan həmin maşınları alan yoxdur. İndi də elə edirlər ki, nəyin bahasına olursa-olsun, bu maşınları satsınlar.
