Tural Abbaslının qardaşı Toğrul Abbaslı “Media forum” saytına bildirib ki, məhbus gənclər məhkəməyə cəzalarının qalan hissəsinin daha yüngül cəza ilə əvəz edilməsi ilə bağlı ərizə yollamayıblar: “Lakin onlar belə müraciət etmək fikrindədirlər”.
Tural Abbaslı Müsavat Partiyası Gənclər Təşkilatının sədri, Əhəd Məmmədli isə sədr müavinidir. Onlar İctimai Palatanın 2011-ci ilin aprelin 2-də Bakının mərkəzində keçirdiyi mitinqə görə həbs olunublar. Tural Abbaslı 2 il 6 ay, Əhəd Məmmədli 3 il müddətinə azadlıqdan məhrum edilib.