Türkiyənin Kayseri şəhərində hərbi təlim təyyarəsi məlum olmayan səbəbdən qəzaya uğrayıb.
Musavat.com “Haber Global”a istinadən xəbər verir ki, bu barədə Türkiyə Milli Müdafiə Nazirliyi məlumat yayıb.
"Kayseri 12-ci Hava Nəqliyyatı Baza Komandanlığından təlim üçün havaya qalxan Hərbi Hava Qüvvələri Komandanlığına məxsus "SF-260D" tipli təlim təyyarəsi naməlum səbəbdən qəzaya uğrayıb", - məlumatda deyilir.
Qeyd olunub ki, qəzada iki pilot şəhid olub.
Hadisənin ardından axtarış-xilasetmə qrupları əraziyə cəlb edilib.
Musavat.com
