İrəvan meriyasının tikinti və abadlıq idarəsinin rəisi Xoren Qriqoryan vəzifəsindən azad edilib.
Musavat.com erməni mediasına istinadən xəbər verir ki, bu barədə yerli “Hraparak” qəzeti yazır.
“Mənbəmizin dediyinə görə, sonuncunun qovulmasına səbəb meriyadakı sektor bölgüsü olub. Qriqoryanın rəhbərlik etdiyi ərazi mer müavini Levon Ovannisyanın nəzarətinə verilib, lakin adıçəkilən iki məmur arasında münasibətlər uzun müddətdir gərgin sayılır”, - deyə yazıda qeyd olunub.
Erməni mətbuatının yazdığına görə, Xoren Qriqoryan Ermənistan Müdafiə Nazirliyinin rəhbəri Suren Papikyanın yaxın adamı sayılır. Onun bundan sonra Papikyanın xaç atası Narek Mkrtçyanın rəhbərlik etdiyi Əmək və Sosial Məsələlər Nazirliyinə işə keçəcəyi gözlənilir.
Musavat.com
