Sankt-Peterburq sakini naməlum şəxs tərəfindən qaçırılan avtomobilini Azərbaycan vətəndaşlarına məxsus qırıntı metal toplama məntəqəsindən tapıb.
Virtualaz.org yerli KİV-ə istinadən bildirir ki, avtomobilin məktəbli oğlan tərəfindən qaçırıldığı məlum olub.
Məlumata görə, içki maqazasının satıcısı, 24 yaşlı oğlan polisə yaxınlaşaraq ərizə yazıb. O, qırmızı rəngli köhnə "Lada-1600" -ünün qaçırıldığını bildirib. Oktyabrın 20-də isə gənc oğlan avtomobilini Sverdlovsk -1 kəndində görüb.
Lakin "Lada" artıq sökülmüş vəziyyətdə olub. Avtomobili sökənlər Azərbaycan vətəndaşları olub. Onlar maşını pulsuz reklamların populyar saytı vasitəsi ilə aldıqlarını söyləyib. Nekiy Kirilin maşını 12 min rubla satılıb.
Müstəntiqlər başqasının əmlakını satan şəxsin araşdırmasına başlayıblar, nəticədə həmin şəxsi tapanda təəccübləniblər. Həmin şəxs Primorski rayonundakı məktəblərdən birinin doqquzuncu sinif şagirdi olub. Məlum olub ki, o, uzun müddət qırmızı avtomobili izləyib və sonra onu qaçırmaq qərarına gəlib. Avtomobili qaçırdıqdan sonra onu xarici vətəndaşa sataraq, saxta satış müqaviləsi həyata keçirib.
Qeyd edilir ki, doqquzuncu sinif şagirdinin cinayət məsuliyyətinə cəlb edilməsi faktı Daxili İşlər Nazirliyinin Sankt-Peterburq və Leninqrad vilayətindəki Baş İdarəsində təsdiqlənib.
