Qırğızıstanın gömrük xidmətinin sabiq rəis müavini Raiymbek Matraimovun ailəsinin ümumi dəyəri 34,8 milyon dollardan çox olan daşınmaz əmlakı dövlətin mülkiyyətinə keçib.
Musavat.com qırğız mediasına istinadla xəbər verir ki, bu barədə Milli Təhlükəsizlik Dövlət Komitəsinin mətbuat mərkəzindən məlumat verilib.
Mərkəzdən verilən məlumata görə, Raiymbek Matraimov və onun qohumlarının qanunsuz yolla əldə etdikləri əmlak dövlətə keçirilib. Şöbə Qırğızıstan gömrük xidmətinin keçmiş rəis müavininin ailəsindən götürülən əşyaları nümayiş etdirib.
Müsadirə edilənlər arasında “Bai Tash Tower” yaşayış kompleksinin 5 mərtəbəsi, “İxlas” tikinti şirkətində qeyri-yaşayış kommersiya obyektləri, torpaq sahələri olan iki gömrük rəsmiləşdirilməsi yeri, “Erem” idman klubu, Bişkek və Oşda ofis binaları, “İmperial” qeyri-yaşayış kommersiya obyektləri, "İmarat Style" tikinti şirkətinin ofisi var.
Bildirilir ki, MTDK Raiymbek Matraimovun cinayət yolu ilə əldə edilmiş əlavə əmlakının sonradan dövlət mülkiyyətinə keçməsi üçün müəyyən edilməsi istiqamətində müvafiq əməliyyat-istintaq tədbirləri həyata keçirir.
Musavat.com
