Suriyada xidməti edən Rusiya hərbçiləri 6 yanvar gecəsi Hemeymim və Tarsus hərbi bazalarına hücum edən əldəqayırma bombalarla silahlanmış 13 PUA ələ keçirmişdilər.
Avropa.info xəbər verir ki, Hmeymidəki aviabazaya və Tarsusda yerləşən hərbi dəniz bazasına PUA-larla hücum edənlərin “Əhrar əş-Şam” müxalif qruplaşması olduğu müəyyən edilib. Bu barədə “Kommersant” qəzeti hərbi mənbələrinə istinadən məlumat yayıb.
Qəzetin yazdığına görə, Rusiya hərbçilərinin PUA-lar üzərində apardığı deşifrə əməliyyatı hücumda bu qruplaşmanın silahlılarının əlinin olduğunu qismən təsdiq edir.
Xatırladaq ki, Rusiya MN 6 yanvar gecəsi müxaliflərin 13 PUA ilə hücumunun qarşısının alındığını bəyan etmişdi. Hadisə zamanı xəsarət alan olmayıb.
