Rusiyanın Nijnevartovsk şəhərində sərnişin qatarı ilə yük maşını toqquşub.
APA-nın “İnterfax”-a istinadən verdiyi xəbərə görə, qəzaya səbəb yük maşınının yol qaydalarını pozaraq qatarın önünə çıxması olub. Hadisə zamanı 3-ü uşaq olmaqla 17 nəfər xəsarət alıb.
Xəstəxanaya yerləşdirilənlərdən 5 nəfərin, o cümlədən avtomobil sürücüsünün vəziyyəti ağır qiymətləndirilir.
Qəza zamanı ölənlərin olmadığı deyilir.
Rusiyada sərnişin qatarı yük avtomobili ilə toqquşub, xəsarət alanlar var
