Kirov rayonunun Nema kəndində dörd yaşlı qızın qətlinin təfərrüatı məlum olub.
Musavat.com "Oxu.az"a istinadən xəbər verir ki, valideynləri vanna otağında olarkən iki azyaşlı qızlarını ögey qardaşlarının yanında qoyublar.
Onlar otaqdan çıxdıqda dörd yaşlı qızın bıçaqlanaraq öldürüldüyünü, onun yeddi yaşlı bacısının isə huşsuz vəziyyətdə yerə sərildiyini görüblər.
Cəsədin kürək və boyun nahiyəsində bıçaq xəsarətləri, birinci sinif şagirdində isə pnevmatik tüfəngdən istifadə nəticəsində açılan iki yara və baş nahiyəsində çoxsaylı xəsarətlər aşkar edilib.
Polis şübhəli qismində qızların 16 yaşlı ögey qardaşını saxlayıb. Uşaqların anasının ilk nikahdan olan oğlu dindirilib. Ona qarşı azyaşlının öldürülməsi və öldürməyə cəhd maddələri ilə cinayət işi açılıb.
