“ABŞ hərbçilərinin çıxdıqları ərazilərə Suiya hökuməti (Bəşşar Əsəd rejimini nəzərdə tutur - red.) nəzarət etməlidir”.
“Report” xəbər verir ki, bunu Rusiya Xarici İşlər Nazirliyinin sözçüsü Mariya Zaxarova dekabrn 26-da keçirdiyi brifinqdə bildirib.
“Beynəlxalq hüquq, Suriyanın və suriyalıların keçdiyi prosesə əsasən, ABŞ-ın çıxdığı yerlər Suriya hökumətinin nəzarətinə verilməlidir”, - deyə M.Zaxarova vurğulayıb.
O, Rusiyanın ABŞ-ın bölgədən çıxmasını izlədiyini söyləyib: “ABŞ-ın Suriyadan yaxın zamanda çıxacağını gözləmirik”.
Qeyd edək ki, Türkiyə ABŞ-ın himayə etdiyi terrorçu PKK/YPG-PYD qruplaşmasının Fərat çayının şərqindən çıxmasını istəyir. Həmin ərazidə terrorçularla yanaşı, ABŞ hərbçiləri də var.
Xatırladaq ki, Donald Tramp dekabrın 19-da ABŞ hərbçiləri və hərbi texnikasının Suriyadan çıxmasına dair sənəd imzalayıb. Sənəd imzalandığı gündən ABŞ hərbi texnikasını TIR-larla İraq ərazisinə daşıyıb.
