Rusiya sülhməramlı qüvvələri Laçında Həkəri çayının üzərindəki körpüdə ucaldılan Azərbaycan bayrağının asıldığı dirəyi aşırıblar.
Musavat.com bu barədə erməni mediasına istinadən xəbər verir.
Sülhməramlıların ərazidə öz missiyalarını yerinə yetirə bilməmələri artıq hər kəsə məlumdur. Son aylar dəfələrlə baş verən erməni təxribatlarını sadəcə müşahidə edən sülhməramlıların bayrağımıza qarşı bu cür davranışı heç də sülhdən yana bir hərəkət deyil.
Qeyd edək ki, video 15 iyun 2023-cü il tarixdə qeydə alınıb. Həmin gün Laçın buraxılış keçid məntəqəsində insdent baş vermişdi. Ermənilər Azərbaycan Dövlət Sərhəd Xidmətinin əsgərinə atəş açmışdı. Nəticədə hərbçimiz yaralanmışdı. Lakin indiki görüntülər bu zamana qədər heç bir yerdə yayılmamışdı.
Həmin anların görüntülərini təqdim edirik:
