“Türkiyənin Su-24 qırıcı təyyarənin vurulmasına görə təzminat ödəməkdən imtina etməsi “şərq hiyləgərliyinin” nümayişidir.
Musavat.com Rusiya KİV-lərinə istinadən bildirir ki, bu barədə mətbuata Rusiya Federasiya Şurasının müdafiə və təhlükəsizlik komitəsinin sədrinin müavini Frants Klintseviç bəyan edib.
“Məsələ təzminatda deyil, burda acından ölən yoxdur. Bu daha çox mənəvi məsələ ilə bağlıdır, düzgün, dürüst, insani münasibətlərin nümayiş edilməsidir” deyə o bildirib.
Klintseviçin sözlərinə görə Türkiyənin hərəkətləri iki ölkə arasında münasibətlərin düzəlməsi üçün kifayət eləmir. “Biz burda hiyləgərlik və manvr etmək istəklərini görürük. Rusiya ilə belə davranmaq olmaz” deyə senator bəyan edib.
Xatırladaq ki Türkiyənin baş naziri Binali Yıldırım türkiyənin məlum insidentə görə təzminat ödəməyəcəyini bildirib.
