Rusiya idmançılarının Braziliyanın Rio de Janeyro şəhərində keçiriləcək Yay olimpiya oyunlarına buraxılmaması barədə xəbərlər ciddiləşir.
Musavat.com-un Rusiya xəbər agentliklərinə istinadən verdiyi xəbərə görə Rusiya prezidentinin mətbuat katibi Dmitri Peskov prezident Vladimir Putinlə Beynəlxalq Olimpiya Komitəsinin prezidentli Tomas Bax arasında telefon danışığı olacağı barədə gedən informasiyaları şərh edib.
Peskov belə bir danışığın mövcud olması haqqında məlumatı olmadıqlarını söyləyib.
Xatırladaq ki Almaiyanın Spiegel qəzeti bütövlükdə Rusiya idmançılarının olimpiya oyunlarına buraxımayacağı barədə informasiya yayıb.
Alman qəzetin xəbərinə görə Komitənin iclasının gündəliyi hələ müəyyənləşməyib. Rusiya idmançılarının taleyi isə Putinlə Tomas Baxın arasında gedəcək danışıqdan sonra bilinəcək.
Xatırladaq ki Beynəlxalq Yüngül Atletika federasiyası rus yüngül atletlərini olimpiyadada iştirakdan artıq məhrum edib.
Beynəlxalq Olimpiya komitəsi də bu qərarı dəstəkləyib.
