Rusiya ölkənin hərbi təhlükəsizliyini təmin etmək məqsədilə Arktikada 13 aerodrom və 10 texniki radiolokasiya stansiyası (RLS) tikmək niyyətindədir.
APA-nın “İnterfaks”a istinadən verdiyi xəbərə görə, bu barədə Rusiya Müdafiəsinin İdarə edilməsi Milli Mərkəzinin rəisi, general-leytenant Mixail Mizintsev bildirib.
“13 aerodrom, bir aviasiya poliqonu, 10 texniki radiolokasiya stansiyası və aviasiyanın yönəldilməsi məntəqələrinin tikiləcəyi nəzərdə tutulub”, deyə Mixail Mizintsev Rusiya Müdafiə Nazirliyi yanında İctimai Şuranın iclasında bildirib.
