Ermənistan mediası Rusiya sərhədçilərinin Ermənistanın Azərbaycanla həmsərhəd olan Tavuş rayonunun Voskepar kəndinə yerləşdirildiyi barədə xəbər yayıb.
Musavat.com-un xəbərinə görə, məlumatı Ermənistanın Müdafiə Nazirliyi təsdiqləyib. Bildirilib ki, bu proses Ermənistan-Rusiya əməkdaşlığı çərçivəsində həyata keçirilir.
Əslində rus hərbçiləri Qazax rayonunun erməni işğalı altındakı Əskipara kəndində yerləşiblər. Ermənilər isə kəndin adını dəyişib.
Məhz eyni gündə Ermənistanın Müdafiə naziri Arşak Karapetyanın Azərbaycan hərbçilərinə atəş açmaqla bağlı təxribatçı, gərginliyi tətikləyə biləcək təhlükəli əmri verməsi də təsadüfi deyil. Karapetyan kollegiya iclasında dərhal atəş açmağı və istənilən üsulla Azərbaycan hərbçilərini öldürməyi əmr edib. Görünür yeni nazir rusiyalı hərbçilərə arxayın olaraq belə təxribatçı qərar verib, amma bunun nə ilə nəticələnəcəyi barədə düşünməyib.
Musavat.com
