"Real"ın baş məşqçisi Zinəddin Zidan futbolçusu Kriştiano Ronaldo barədə açıqlama verib.
Qol.az-ın İspaniya mətbuatına istinadən yaydığı xəbərə görə, o deyib ki, portuqaliyalı hücumçuya bəzən istirahət vermək lazımdır:
"Ronaldo ilə tez-tez söhbət edirik. Onun lazımi formada olması bizim üçün çox əhəmiyyətlidir. Ancaq bəzən Ronaldonun istirahətə ehtiyacı olur. Çünki mövsüm uzundur və o, dünya çempionatında iştirak etməlidir. Bütün futbolçuları şüuraltı mundial haqda düşünürlər".
