Rio-de-Janeyro şəhərində təşkil olunan XXXI Yay Olimpiya Oyunlarında ən çox qızıl medal qazanmış ölkələrin siyahısı tərtib edilib.
APA-nın məlumatına görə, Olimpiya oyunlarında medal cədvəlində ilk yeri ABŞ idmançıları tutub: 46 qızıl, 37 gümüş, 38 bürünc medal.
Böyük Britaniya 27 qızıl, 23 gümüş və 17 bürünc medalla 2-ci pilləyə yüksələ bilib.
3-cü yerdə isə Çin yığması qərarlaşıb - 26 qızıl, 18 gümüş, 26 bürünc medal. 4-cü və 5-ci yerləri isə Rusiya (19 qızıl, 18 gümüş, 19 bürünc) və Almaniya (17 qızıl, 10 gümüş, 15 bürünc) tutub.
Qeyd edək ki, Azərbaycan yarışı 39-cu sırada başa vurub.
