Qəzzada bu gün ABŞ təyyarələrindən atılan bəzi humanitar yardım qutularının paraşütləri açılmayıb.
Musavat.com "Haberler.com"a istinadən xəbər verir ki, qutular Qəzza şəhərinin şimalındakı Şati Qaçqınlar Düşərgəsi və Cela küçəsində humanitar yardım gözləyən mülki şəxslərin üzərinə düşüb.
Məlumata görə, hadisə nəticəsində 5 nəfər həyatını itirib, bir neçə nəfər isə yaralanıb.
Yaralılar Qəzza şəhərindəki Şifa və Əl-Ehli Baptist xəstəxanalarına aparılıb.
Qeyd edək ki, Misir, Birləşmiş Ərəb Əmirlikləri, İordaniya, Qətər, Oman və Bəhreyn son bir həftədir Qəzza zolağına havadan yardım göndərmək üçün birgə əməliyyatlar təşkil edir.
Musavat.com
