Qəzetin rəhbərliyi məktubda baş redaktora və kollektivə qarşı təhqirlərə yol verildiyi qənaətinə gələrək “Texnikabank”ı məhkəməyə çəkib. Baş redaktor A.Rzayevin sözlərinə görə, Mətbuat Şurasına göndərilən məktubdakı bu iddialardan narazı qalıblar: “A.M.A.Y” şirkətinin rəhbərliyi “Unikal” qəzeti tərəfindən məqsədli şəkildə dəstəklənir; “Unikal”qəzetinin baş redaktoru Azərbaycan Jurnalistlərinin Peşə Davranışı Qaydalarının prinsiplərini pozur; “Unikal” reket qəzet olduğundan adı qara siyahıya salınıb; qəzetin baş redaktoru qəzetdə şou yaradır və maddi maraqları onun peşə prinsiplərindən üstündür; o, “Texnikabank”ın prezidentini şantaj etmək niyyəti ilə qəzetin nömrələrini poçt vasitəsilə göndərərək ona hədə-qorxu gəlir".
A.Rzayev deyib ki, yazılanlar həqiqətə uyğun deyil: “Bu səbəbdən də onları məhkəməyə vermişik. İstəyirik ki, ”Texnikabank" bu iddiaları sübut edən dəlilləri məhkəməyə təqdim etsin. Təzminat olaraq “Texnikabank”dan 1 (bir) manat tələb edirik".
