Qazaxıstanda prezidentin qohumlarına siyasi vəzifələr və kvazi-dövlət sektorunda rəhbər vəzifələr tutmaq qadağan ediləcək.
AZƏRTAC xəbər verir ki, bunu ölkə Prezidenti Kasım-Jomart Tokayev xalqa müraciətində deyib.
"Prezident ailəsinin yaxınlarının siyasi vəzifələr tutmasına və kvazi-dövlət sektorunda rəhbər vəzifələrdə işləməsinə qanunvericilik qadağası qoyulacaq", - deyə ölkə başçısı bildirib.
O, bu normanın Konstitusiyada təsbit olunmasını təklif edib və vurğulayıb ki, dövlət başçısı bütün vətəndaşlar üçün bərabər imkanların sarsılmaz təminatçısı kimi çıxış etməlidir.
