Qarabağdakı keçmiş xunta rejiminin təmsilçilərindən biri, Əsgəranın keçmiş “meri” İrəvanda saxlanılıb.
Musavat.com erməni mediasına istinadən bildirir ki, bu barədə onun vəkili Ruben Melikyan sosial şəbəkələrdə məlumat yayıb.
Hüquq-mühafizə orqanları bu gün Hayk Şamiryanın mənzilində axtarış aparıb, sonra o, aparılıb. Cinayət işinin konkret nə ilə bağlı olduğu açıqlanmır.
Melikyan təhlükəsizlik qüvvələrinin hərəkətlərində siyasi kontekst görür. O xatırladıb ki, Şamiryan bundan əvvəl Qarabağın digər nümayəndələri ilə birlikdə “Vətən uğrunda Tavuş” hərəkatının lideri Baqrat Qalstanyanla görüşüb. Müstəntiq hələlik məlumatı şərh etməyib.
Musavat.com
