Blokun iclasında hökumətin bugünlərdəki iclasında ölkənin sosial-iqtisadi vəziyyəti ilə bağlı səslənən rəqəmlər piar adlandırılıb və bu rəqəmlərin ölkədəki real sosial-iqtisadi vəziyyəti əks etdirmədiyi vurğulanıb.
Tədbirdə qeyd edilib ki, orduda da ciddi problemlər var, qeyri-döyüş şəraitində itkilər getdikcə çoxalır. Belə ki, ilin əvvəllərindən etibarən orduda 22 hərbiçi həlak olub, onlardan 19-u qeyri-döyüş şəraitində dünyasını dəyişib.
“Qarabağ” bloku hesab edir ki, bu vəziyyətin səbəbi orduya ictimai nəzarətin və silahlı qüvvələrdə islahatların olmamasındadır.
“Qarabağ” bloku hakimiyyətin 2010-cu il daşqınları nəticəsində itirilmiş əmlaka görə kompensasiya ödənilməsini tələb edən Sabirabad rayon sakinlərinə təzyiqindən narahatlığını ifadə edib.
