Rusiyanın “Lokomotiv” klubunun Avropa Liqasının 1/16 mərhələsində Moskvada “Fənərbaxça”ya qarşı oyundakı start heyəti açıqlanıb. Musavat.com xəbər verir ki, Rusiya komandasının heyətində nominal hücuçmu yoxdur.
“Lokomotiv”: Gilerme, Çorluka Düritsa, Denisov, Kasayev, Manueı Fernandeş, Kolomeytsev, Səmədov, Al. Mirançuk, N'Dinqa.
Ehtiyat oyunçular: Koçenkov, Mixalik, Yanbayev, Qriqoryev, Barinov, Şkuletiç, Cəmaləddinov.
Xatırladaq ki, “Lokomotiv” - “Fənərbaxça” qarşılaşması Bakı vaxtı ilə saat 21.00-da başlayacaq. Fevralın 16-da İstanbulda keçirilən ilk oyun “Fənərbaxça”nın 2:0 hesablı qələbəsi ilə başa çatıb.
İlk oyundan sonra “dəmiryolçular”ın müdafiəçisi Dmitri Tarasov futbolkasını çıxarıb və Rusiya prezidenti Vladimir Putinin fotosu olan köynəyini göstərib. UEFA futbolçuya qarçı intizam icraatına başlayıb, klub isə Tarasovu böyük miqdarda cərimə edib.
Musavat.com
