Azərbaycanlı qadınları insan alverinə məruz qoymaqda təqsirləndirilən Almaz Allahverdiyevanın cinayət işinin istintaqı baş çatıb.
APA-nın məlumatına görə, A. Allahverdiyevanın barəsində toplanan cinayət işinin materialları baxılması üçün Bakı Ağır Cinayətlər Məhkəməsinə göndərilib. Cinayət işi hakim Ramella Allahverdiyevanın icraatına verilib. Məhkəmənin hazırlıq iclası vaxtı yaxın günlərdə bəlli olacaq
Qeyd edək ki, cinayət işi üzrə 8 zərərçəkən qadın var. İttihama görə, onlar Almaz Allahverdiyeva tərəfindən insan alverinə məruz qalıblar. A. Allahverdiyevaya Cinayət Məcəlləsinin 144-1.2.2-ci (insan alveri, 2 və daha çox şəxsə qarşı törədildikdə) maddəsi ilə ittiham verilib.
