"Azərbaycan Ərəb Dövlətləri Liqasına üzv ölkələrlə ikitərəfli əməkdaşlığa, qarşılıqlı dəstək və həmrəyliyə xüsusi önəm verir".
"Report" xəbər verir ki, bu sözləri Azərbaycan Respublikasının Prezidenti İlham Əliyev noyabrın 1-də Əlcəzairdə keçirilən Ərəb Dövlətləri Liqasının 31-ci Zirvə toplantısında çıxışında bildirib.
"Biz Ərəb Dövlətləri Liqasının Zirvə toplantısında Qoşulmama Hərəkatının sədri kimi iştirak edirik. Bizim Ərəb Dövlətləri Liqasının üzvü olan ölkələrlə də yaxşı əlaqələrimiz var. Əminəm ki, bizim əməkdaşlığımızın yeni dinamikası yaxın gələcəkdə daha da inkişaf edəcək", - İlham Əliyev qeyd edib.
