A.Şahverdiyev general Bəylər Əyyubovun bacısı oğludur. Xatırladaq ki, ötən ay Göygöl RPŞ-də iş yoldaşları ilə mübahisə edən A.Şahverdiyev onların avtomobilini gülləboran etmişdi. Hadisə ictimailəşəndən sonra isə A.Şahverdiyev daxili işlər nazirinin əmri ilə polis orqanlarından xaric edilmişdi. Məlumata görə, A.Şahverdiyev yenidən işinə bərpa olunub.
Onu da bildirək ki, bu, A.Şahverdiyevin ilk qoçuluğu deyil. 20011-ci ilin fevralında o, MTN-in Gəncə Şəhər İdarəsinin Şöhrət adlı əməkdaşı ilə dalaşmışdı. Belə ki, MTN əməkdaşı Göygöl rayonunda bir dostunun avtomobil qəzasına düşdüyü üçün hadisə yerinə gedib və insident də burada olub. Göygöl RPŞ-də çalışan A.Şahverdiyev Şöhrətdən yol kənarında saxladığı avtomobili götürməsini tələb edib. Tərəflər arasında baş verən mübahisə zamanı Azər Şöhrətə qarşı fiziki zor tətbiq edib və onu Göygöl PPŞ-yə aparıb. Məsələyə MTN-in Gəncə Şəhər İdarəsinin rəhbərliyi qarışandan sonra saxlanılan şəxsi sərbəst buraxıblar. Xatırladaq ki, A.Şahverdiyev həm də Göygöl rayonunun hərbi komissarı Mail Şahverdiyevin kiçik qardaşıdır.
XƏBƏR LENTİ
