ABŞ Müdafiə Nazirliyinə görə, Rusiya qoşunları hələ də Ukrayna ilə sərhədə yaxın rayonlardadır və müdaxiləyə hazır vəziyyətdədir.
Musavat.com-un Ukrayna qaynağına istinadən verdiyi məlumata görə, bu barədə Pentaqonun rəsmi şəxsi, kontr-admiral Co Kirbi bildirib.
“Biz hələ ki, qoşunların geri çəkilməsinə dəlalət edən heç bir əlamət görmürük. Orada böyük sayda ordu birləşmələri, həm də yüksək döyüş hazırlığı vəziyyətində saxlanılır”, - deyə Kirbi əlavə edib.
Pentaqon rəsmisi bir daha Moskvanı öz ordusunu sərhəddən geri çəkməyə çağırıb, çünki “onun mövcudluğu vəziyyətin yumşalmasına xidmət eləmir”.
“Ukrainskaya pravda”nın məlumatına görə, ABŞ-ın Ukraynadakı səfiri Ceffri Payet dünən öz twitter səhifəsində rus hərbi birləşmələrinin hələ də sərhəddə olduğunu təsdiqləyən fotolar paylaşıb.
Musavat.com
