Özbəkistan vətəndaşları qumar platformalarına pul köçürə bilməyəcəklər. Musavat.com Podrobno.uz saytına istinadla xəbər verir ki, bu, dövlət başçısının bu gündən qüvvəyə minən fərmanında nəzərdə tutulub.
Sənədə uyğun olaraq, kommersiya banklarına Özbəkistan vətəndaşlarının bank kartlarından qumar oyunlarının təşkili və keçirilməsi ilə məşğul olan qeyri-rezident təşkilatlara transsərhəd köçürmələr etmək qadağan edilib.
Qumarda qanunsuz iştirak imkanı verən internet resursları İnformasiya və Kütləvi Kommunikasiyalar Agentliyi tərəfindən müvafiq reyestrə daxil ediləcək.
Yada salaq ki, ötən il Özbəkistan Ədliyyə Nazirliyi qumar oyunlarının təşkili, təbliği və iştirakına görə məsuliyyətin gücləndirilməsini təklif etmişdi. Qumar oyunları təşkil edənlər yüksək məbləğdə cərimə ilə cəzalandırılmalı idi.
Musavat.com
