Braziliya Səhiyyə Nazirliyinin yaydığı məlumata görə, ötən sutka ölkədə koronavirus (COVID-19) infeksiyasına yoluxanların sayı 34 min 177 nəfər artıb.
AZƏRTAC RİA Novosti saytına istinadla xəbər verir ki, Braziliya Səhiyyə Nazirliyinin məlumatına görə, ölkədə yoluxanların ümumi sayı 2 milyon 46 min 328-dir.
Ötən gün xəstəlikdən 1163 nəfər ölüb və həyatını itirənlərin sayı 77 min 851-ə çatıb. Ölkədə 1 milyon 321 min 36 nəfər virusdan sağalıb. Braziliya COVID-19-a yoluxanların və ölənlərin sayında görə dünyada ikinci yerdədir.
