Avropa İttifaqının hüquq xidməti Macarıstanın baş naziri Viktor Orbanın iyulun 5-də Rusiyaya səfərinin Aİ müqavilələrinə zidd olduğunu bildirib.
Musavat.com xəbər verir ki, bu barədə məlumatlı mənbələrə istinadla “Financial Times” (FT) qəzeti yazıb.
Onlar bildiriblər ki, blokun hüquq xidmətinin rəyinə görə, Orbanın hərəkətləri blokun Aİ məqsədlərinə çatmasına təhlükə yarada biləcək hər hansı tədbiri qadağan edən müqavilələrini pozub. Söhbət, xüsusilə cəmiyyətin bütün ölkələrini “şərtsiz sədaqət və qarşılıqlı həmrəylik ruhunda” xarici siyasət fəaliyyətini həyata keçirməyə məcbur edən qanunun müddəalarının pozulmasından gedir.
Avropa Şurasının prezidenti Çarlz Mişel FT-yə deyib ki, “Orbanın Moskvaya səfəri siyasi səhv idi. “10 il ərzində mən bir ölkənin hərəkətlərinə 26 ölkədən belə sərt reaksiya görməmişdim. Bu, bir problemdir - bu iş üsulu qəbuledilməzdir", - Mişel deyib.
Musavat.com
