Türkiyədə çevrilişə cəhd zamanı prezident Rəcəb Tayyib Ərdoğanın yanında olan kürəkəni və energetika naziri Berat Albayrak “CNN Türk” telekanalına müsahibə verib.
Musavat.com telekanala istinadən xəbər verir ki, B.Albayrak təhdidin uzun zaman davam edəcəyini bildirib: “Türkiyə millətinə təhdid uzun bir müddət bitməyəcək. Tükiyə bölgədə getdikcə böyüyür, bundan narahat olanlar var. Filmlərdə belə, olmayacaq şeylər yaşadıq. Bir çevriliş daha ola bilərmi? Qarşı tərəfin əlində sui-qəsd siyahısının olduğu iddia edilir. Biz təşkilatla bağlı hər cür addımı atacağıq. Məncə Bunlar İŞİD-dən daha təhlükəlidir”.
Aygün SƏFƏRLİ,
Musavat.com
