Xarici siyasətimizə kim nəzarət edir? Ağ Ev, Dövlət Departamenti və ya Senat? Yoxsa Çin Siyasi Bürosu və Kreml?
Musavat.com xarici agentliklərə istinadən xəbər verir ki, ABŞ-ın “New York Post” qəzetinin köşə yazarı Duqlas Mürreyin yazısında bu cümlələr yer alıb.
Duqlas Mürrey Bayden administrasiyasını xarici siyasətdə sönük qalmaqda suçlayıb.
Nümunə kimi, Murrey ABŞ Nümayəndələr Palatasının sədri Nensi Pelosinin Tayvana planlaşdırılan səfərinə Çinin reaksiyasını, eləcə də Rusiyanın Ukraynadakı hərəkətlərini göstərir.
“Vladimir Putin NATO-nun nə qədər güc toplaya biləcəyini və Qərb ittifaqının məqsədlərinə necə nail ola biləcəyini düzgün hesablamadı. O, həmçinin Ukraynada bataqlığa düşən korrupsioner ordusunun və yüksək rütbəli hərbçilərinin bacarıqlarını həddindən artıq qiymətləndirdi.
Lakin bir çox amerikalıların ümid etdiyi asan məğlubiyyət də baş tutmadı. Ruslar Ukraynanı tərk etmədilər.... Biz ukraynalılara məhdud miqdarda sursat verdiyimiz üçün öz başımıza kürəyimizə vurduq. Bizlər də Putinin sanksiyalarla nə dərəcədə sıxışdırıldığını düzgün qiymətləndirmədik”,-deyə yaıda qeyd olunub.
Yazarın fikrincə, əslində Rusiya prezidenti Qərbin onu izlədiyindən daha çox qarşı tərəfi araşdırıb.
“O bilir ki, Avropa qazı ondan asılıdır. Bilir ki, qış gələndə avropalılar çox güman ki, bir-biri ilə mübahisə edəcəklər. O bilir ki, sanksiyalar faktiki olaraq qaz və neft qiymətlərini artırıb. Bu o deməkdir ki, Putin sanksiyalar sayəsində daha da varlanıb. Və o bilir ki, biz Ukraynanı nisbətən yüngül sursatla təmin etməyə hazır olsaq da, onlara daha ağır silah verməyəcəyik. Çünki əks təqdirdə onun necə reaksiya verəcəyi ilə bağlı qorxu hakimdir”, - Mürrey bildirib.
Musavat.com
