Duztökmə hərəkəti ilə dünyada məşhur olan türkiyəli aşpaz Nüsrət Gökçənin dünya çempionatında görüntüləndiyi anlar gündəm olub.
Musavat.com Axşam.az-a istinadən xəbər verir ki, matçdan sonra aşpaz stadiona enərək Argentina yığmasının hücumçusu Lionel Messi ilə foto çəkdirmək istəyib. Komanda yoldaşları ilə sevincini bölüşən oyunçunun onunla foto çəkdirmək istəməməsi diqqət çəkib.
Görüntülər qısa müddətdə sosial mediada yayılıb. Daha sonra Nüsrət instaqram hesabında Messi ilə fotosunu paylaşaraq şəkil çəkdirməyə nail olduğunu nümayiş etdirib.
