Tehrandakı bədnam Evin həbsxanasında saxlanılan güneyli qadın hüquqları müdafiəçisi və Nobel Sülh Mükafatının qalibi Nərgiz Məhəmmədi bu gün siyasi xəstə məhbuslara tibbi yardımların göstərilməməsi və özünün ürək probleminə görə xəstəxanaya köçürülməsinə icazə verilmədiyi üçün aclıq aksiyasına başlayıb.
Bu barədə “Azad İran” “Telegram” kanalı xəbər verib.
Nərgiz Məhəmmədinin ailəsi bu barədə məlumat paylaşaraq qeyd edib ki, o, İran hökumətinin “siyasət, ölüm, ya da qadınlar üçün məcburi hicab” ideyasına etiraz edərək aksiyaya başlayıb.
