Bu ilin martında "Neftçi"nin yarımüdafiəçisi Araz Abdullayevin törətdiyi avtomobil qəzasında bir qadının ölümü, birinin isə ağır xəsarət alması barədə hamımızın məlumatı var.
Törətdiyi cinayət hadisəsinə görə nəinki cəzalanmayan, hətta ertəsi tur komandasının heyətində oyuna çıxan Abdullayev bu hadisəni unutsa da bir çoxları hələ də xatırlayır. Belə olmasaydı, futbolçunun instagram səhifəsində paylaşdığı videoda belə şərhlər yazılmazdı.
Belə ki, öz səhifəsində avtomobilinin sürətölçəni ilə bağlı video paylaşan yarımmüdafıəçi bununla qıcıq obyekti olub. Tezliklə onun bu videosuna gələn şərhlər sıralanıb. Futbolçuya törətdiyi qəza xatırladıldığından o, şərhləri silməyə məcbur olub. Amma biz onların bəzilərini kompüterimizin yaddaşına köçürə bilmişik (futbolinfo.az).
