Bu ilin 9 ayında ölkə iqtisadiyyatı ötən ilin müvafiq dövrü ilə müqayisədə real ifadədə qeyd edildiyi kimi 2,5%, onun qeyri-neft sektoru isə 6% artıb.
Ölkəmizin maliyyə mövqeyi daha da güclənib, məcmu valyuta ehtiyatları 2014-cü il 1 oktyabr tarixinə 53 mlrd. ABŞ dolları səviyyəsinədək yüksəlib, ötən ilin müvafiq dövrü ilə müqayisədə 3,6 mlrd. dollar və ya 8% artım əldə edilib.
“APA-Economics”in xəbərinə görə, bunu Nazirlər Kabinetinin iclasındakı çıxışı zamanı Azərbaycan maliyyə naziri Samir Şərifov deyib.
Nazir qeyd edib ki, ölkənin məcmu valyuta ehtiyatları xarici dövlət borcuna nisbəti 8 dəfədən artıq olub. “Eyni zamanda, onu da qeyd etmək istərdim ki, xarici dövlət borcumuzun ümumi daxili məhsula nisbəti isə 8,5% səviyyəsində qərarlaşıb”, - deyə S. Şərifov bildirib.
