Müsavat Partiyası jurnalist Yafəz Əkrəmoğlunun həyat yoldaşı Aytəkin Həsənova və onun digər yaxın qohumu iyul ayının 3-də Naxçıvanda saxlanılaraq qeyri-insani davranışlara məruz qalmasına dair bəyanat yayaraq, bu olayı, juranlistin peşə fəaliyyəti ilə bağlı olduğunu qeyd edib və pisləyib.
Partiyanın mətbuat xidmətindən Musavat.com-a daxil olan bəyanatda bildirilir ki, Müsavat Partiyası jurnalistə və onun ailəsinə olan təhlükə barədə məlumatların ciddiliyini nəzərə alaraq müvafiq qurumlardan bu hadisəni ətraflı araşdırmağı, bu qeyri-qanuni hərəkətlərə yol verənlərin sifarişçilərinin və icraçılarının müəyyənləşdirib cəzalandırılmasını tələb edir.
