İnsanlara hürriyət, millətlərə istiqlal!

Murad Köhnəqala həbsdən çıxdı və.... yenidən həbs oluna biləcəyini dedi

1430 15.06.2019 23:41 Ölkə A A

"Ümidim məni çöldə görmək istəyən dostlarımadır"

Yazar Murad Köhnəqala azadlığa çıxandan sonra sosial şəbəkə vasitəsilə dostlarına və ictimaiyyətə müraciət edib. Musavat.com xəbər verir ki, sosial şəbəkədə yazdığı statusla ümumi vəziyyəti təsvir edən M.Köhnəqala, eyni zamanda dostlarına və ictimaiyyətə müraciət edib.


Yazarın statusunu təqdim edirik: "Əziz dostlar! Tovuz Rayon Məhkəməsi tərəfindən mənə kəsilən 12 min 350 manat alimentin iki mini ödənildikdən sonra Appelyasiya məhkəməsinin qərarı ilə müvəqqəti azadlığa buraxıldım. Buna görə hörmətli millət vəkili Qənirə Paşayevaya və BAMF-ın rəhbəri, əziz dostum Umud Rəhimoğluna minnətdarlığımı bildirirəm.

Həbsdə qaldığım üç gün ərzində gənc dostum Kəramət Böyükçölün təşkilatçılığı ilə ödəniləcək məbləğin bir qismi (2700 manat) da yığılıb və siyahı ilə mənə təqdim olunub. Bu siyahıda AYB-nin sədri hörmətli Anar müəllim başda olmaqla xüsusi təşəkkür edəcəyim adamlar var, sağlıq olsun, problem tamamilə həll olunduqdan sonra dəstək göstərən hər kəsə ayrılıqda öz təşəkkürümü bildirəcəm.

Əziz dostlar, hazırkı durumum belədi, borcun qalan hissəsi qısa bir müddətdə ödənilməsə, barəmdə cinayət işinin açılması və məni həbs cəzası gözləyir.

Məsələ burasındadır ki, məhkəmə mənim işsiz olduğumu nəzərə almadan, hər iki övladımın 18 yaşından sonrakı ali təhsil mərhələsini də üstünə gələrək ən yüksək məbləğdə aliment təyin edib. Övladlarımın xətrinə məhkəmənin bu qərarından şikayət etməmişəm. Məni tanıyanlar bilir, məhkəmə, bank, rəsmiyyət məsələlərini sevmədiyimə görə yardımları çox vaxt qeyri-rəsmi formada, yaxud ödəniş qəbzlərini saxlamadan ödəmişəm. Keçmiş həyat yoldaşımın bütün bunları nəzərə almayaraq məhkəməyə təkrar-təkrar şikayəti əsasında barəmdə məlum qərar çıxarılıb.

Soruşa bilərsiniz ki, bəs, nə üçün sənin aliment borclarını biz ödəməliyik? Əvvala, mən bunu “sənin balan mənim balamdı” deyən dostlarımdan umuram. Mənim necə həssas bir ata olduğumu, övladlarıma, eləcə də bütün uşaqlara sevgimi, onların gələcəyinə görə necə narahatlıq keçirdiyimi tanıyanlar bilir. Başqa səbəblərə görə həbs olunsaydım mənə bu qədər təsir etməzdi. Bilsəm ki, övladlarımın xoşbəxtliyi ömürlük həbsimdən keçir, mən ona da razı olaram. Amma mən həbs olunsam uşaqların rifahımı artacaq? Azərbaycanda yüzlərlə mənim kimi yazıçı-şair var ki, onların da qarşısına 12 min 350 manatlıq problem çıxarsa həbs olunarlar. Sözsüz ki, özümü bu yerdə günahsız da saymıram. Hərdən düşünürəm, bəlkə elə mən özüm anadan günahkar doğulmuşam. Aydındır ki, mövcud şərait və şərtlərlə qısa zaman ərzində bu məbləği ödəməyim mümkün deyil. Ümidim isə məni içəridə yox, çöldə görmək istəyən dostlarımadı!”
M.Köhnəqala sonda ona yardım etmək istəyən şəxslərdən gənc yazar Kəramət Böyükçöllə əlaqə saxlamasını xahiş edib.

Musavat.com

Bizim partnyorlarımız

XƏBƏR LENTİ

BÜTÜN XƏBƏRLƏR