"Daha bir həkimimizi itirməyək"
Tanınmış infeksionist, Azərbaycan Tibb Universitetinin dosenti İlham Bayramovun vəziyyəti ağırdır.
İnfeksionistin həmkarları Musavat.com-a bildiriblər ki, İ.Bayramov hazırda koronavirusla mübarizə aparır: " Təəssüf ki, analizlərin nəticələri olduqca pisdir. Ciyərində 90 faiz buzlu şüşə aşkarlanıb. Həkim hazırda süni tənəffüs aparatına qoşulub".

Həkimlər onu da deyiblər ki, İ.Bayramov təcili ECMO cihazına qoşulmalıdır: "Həkimimizə sahib çıxaq, daha bir həkimimizi itirməyək" , deyə həmkarları kömək istəyiblər.
Qeyd edək ki, İlham Bayramovun müalicəsi hazırda Zığ qəsəbəsindəki modul tipli xəstəxanada aparılır.
Afaq Mirayiq,
Musavat.com






