Məşhur aktyor Erdal Beşikçioğlunun Ankara Etimesgut bələdiyyə sədrliyinə namizəd olması CHP-də böhrana səbəb olub.
Musavat.com "Haberler.com"a istinadən xəbər verir ki, Ankara Böyükşəhər Bələdiyyəsinin sədri Mansur Yavaşın dəstəklədiyi şəxsin namizədliyinin irəli sürülməməsinə qəzəbləndiyi, istəkləri reallaşmadığı təqdirdə namizədlikdən geri çəkilə biləcəyi iddia edilir.
Jurnalist Saygı Öztürk bildirib ki, Mansur Yavaş Beşikçioğlunun namizədliyinə əsəbiləşib.
Qeyd olunub ki, M.Yavaş İYİ Partiyadan istefa verən Məsut Özarslanın Etimesgutdan namizəd olmasını istəyir.
Musavat.com
