Şahzadə Harrinin həyat yoldaşı Meqan Markl və şahzadə Uilyamın arvadı Keyt Middlton Böyük Britaniya kraliçası II Yelizaveta və şahzadə Çarlzın təkidi ilə barışıblar.
Oxu.Az xəbər verir ki, bununla bağlı “The Sun” nəşri kral ailəsindəki mənbəyə istinadən məlumat verib.
Onlar Milad bayramına kral ailəsi ilə birlikdə gəliblər. Fotolardan görünür ki, onlar yanaşı gedir və söhbət edirlər. Kraliça və şahzadə açıq şəkildə bildiriblər ki, kral ailəsinin ənənəvi bayram tədbirində ixtilaflara yer yoxdur.
“Son 12 ayda baş verənləri nəzərə alsaq, bunun asan olmadığını demək olar”, - mənbə bildirib.
